Virac, Catanduanes – Nagsagawa ng Clean-up Drive at Tree Planting Activity ang Catanduanes 1st Provincial Mobile Force Company sa Barangay Simamla, Virac, Catanduanes nito lamang Linggo, Hulyo 10, 2022.
Ang aktibidad ay pinangunahan ni Police Lieutenant Colonel Rodel Pescuela, Force Commander katuwang ang Philippine Army, Department of Environment and Natural Resources – Virac at ng mga aktibong miyembro ng Barangay Peacekeeping Action Teams (BPATs) ng nasabing barangay.
Nakapagtanim ng 100 seedlings ng narra at kape ang mga lumahok sa nasabing aktibidad.
Ang aktibidad na ito ay bahagi ng 27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan” at isa sa mga PNP Core Values na “Makakalikasan”.
Hinihikayat ng PNP ang komunidad na patuloy na makiisa at makilahok sa mga programang inilunsad ng pamahalaan upang mapanatili ang kagandahan at maprotektahan ang natural na yaman ng kalikasan.
Source: Catanduanes 1st PMFC
###
Panulat ni Patrolman Rodel Grecia
