Enrile, Cagayan – Nagsagawa ng Clean-up Drive at Tree Planting Activity ang Enrile PNP sa Barangay Batu, Enrile, Cagayan nito lamang Biyernes, Hunyo 24, 2022.
Ang aktibidad ay pinangunahan ni PMSg Melanie B Lasam, WCPD PNCO ng Enrile Police Station kasama ang mga aktibong miyembro ng Kabataan Kontra Droga at Terorismo, Barangay Peacekeeping Action Teams at 4Ps.
Nagtulong-tulong ang mga grupo sa paglilinis at pamumulot ng mga nakakalat na basura sa nasabing barangay.
Bukod dito, nakapagtanim din ang mga grupo ng 50 mahogany at cacao seedlings.
Layunin ng programang ito na mapanatili ang kalinisan at kagandahan ng kapaligiran tungo sa maaliwalas at ligtas na lugar.
Hinihikayat naman ang mga residente ng nasabing lugar na makiisa at makilahok sa mga programa ng Pambansang Pulisya lalo na sa pangangalaga ng kalikasan.
Source: Enrile PS
###
Panulat ni Police Staff Sergeant Donabel T Dulin
