Bataan – Tuloy-tuloy na isinasagawa ang Clean-up Drive at Tree Planting Activity ng mga tauhan ng Bataan 1st Provincial Mobile Force Company sa Brgy. Mabuco, Hermosa, Bataan nito lamang Linggo, ika-18 ng Hunyo 2023.
Ang mga naturang aktibidad ay pinamunuan ni Police Lieutenant Colonel Brownson Ollaging, Force Commander ng Bataan 1st Provincial Mobile Force Company katuwang ang Kaligkasan Volunteers.
Bilang pagmamalasakit sa ating kalikasan, pinangunahan ng mga pulisya ang paglilinis at pagtatanim ng mga punongkahoy sa nasabing lugar.
Kaugnay ang naturang aktibidad sa PNP Core Values na “MakaKalikasan”.
Layunin nito ang mapangalagaan ang ating kalikasan sa tulong ng pagtatanim ng mga puno sa ating kapaligiran upang maiwasan ang lumalalang problema sa global warming sa bansa.
Source: Bataan 1st PMFC
Panulat ni Police Corporal Jeselle V Rivera/RPCADU3
