Cavite – Matagumpay na naisagawa ang Clean-up Drive at Oplan Clearing sa Vallejo Place Subdivision, Pasong Buaya II, Imus City, Cavite nito lamang Huwebes, Hunyo 1, 2023.
Ang naturang aktibidad ay pinangunahan ni Hon. Carlito Tagle, Punong Barangay katuwang sina Mr. Estoy Camerino, Kagawad; Mommy Teresita Mendoza, President, Phase 3 Vallejo Place pati na rin mga opisyales at mga aktibong mamamayan.
Pinutol ang mga sanga ng punongkahoy na nakabalandra sa mga kable ng kuryente, nagwalis ng kapaligiran, nagtanggal ng mga masusukal na damo sa mga bakanteng lote o bahay at nagtanggal din ng mga basura o plastic wastes sa gutter ng mga kanal.
Layunin nitong maiwasan ang electric circuit na magdulot ng sunog at panatilihin ang kalinisan ng kapaligiran para maiwasan din ang polusyon, sakuna at sakit dulot ng maduming kapaligiran.
