San Juan City — Nagsagawa ng Clean-up Drive at Feeding Program ang mga tauhan ng San Juan City Police Station sa Brgy. San Perfecto, San Juan City bandang alas-8:00 ng umaga nito lamang Martes, ika- 24 ng Enero 2023.
Ang aktibidad ay pinangunahan ni Police Major Darius Agmaliw, Chief, Station Community Affairs Development Section (SCADS) sa ilalim ng superbisyon ni Police Colonel Elpidio Ramirez, Chief of Police ng San Juan CPS.
Nagkaisang linisin ng mga kapulisan at mga residente ng lugar ang mga kalsada, at drainage ng nasabing barangay na pinamumugaran ng mga insekto na maaaring magdala ng iba’t ibang uri ng sakit.
Samantala, nagsagawa rin sila ng feeding program kung saan namahagi ng mainit na lugaw ang pulisya sa mga bata at senior citizen.
Layunin ng aktibidad na ito na hikayatin ang publiko na maglinis ng kapaligiran upang isulong ang maayos at ligtas na pamayanan, at mabawasan ang polusyon.
Source: Sanjuancity Pulis
Panulat ni PSSg Remelin M Gargantos
