Tuao, Cagayan – Nagsagawa ng clean-up drive activity ang Tuao PNP sa Brgy. Barancuag, Tuao, Cagayan bandang 4:00 ng hapon ng Mayo 17, 2022.
Ang aktibidad ay pinamunuan ni Police Major Francisco Liwag, Acting Chief of Police ng Tuao Police Station kasama ang mga miyembro ng Kabataan Kontra Droga at Terorismo-Tuao Chapter at volunteers ng nasabing barangay.
Ang aktibidad na ito ay naaayon sa “Lingkod Bayanihan” kaugnay ng E.O. 70 (ELCAC), I love Cagayan River Movement at Clean and Green CPPO Dream Program.
Tinatayang anim na sakong basura ang napulot ng mga grupo sa kahabaan ng ilog ng nasabing barangay.
Layunin nitong pagtibayin ang samahan ng PNP at ng komunidad patungo sa pagtatamo ng malinis, maaliwalas at ligtas na ilog.
Source: Tuao Pnp Pcr
###
Panulat ni Police Staff Sergeant Donabel T Dulin
