City of San Fernando, Pampanga – Matagumpay na naisagawa ng Police Regional Office 3 ang Civil Disturbance Management Competition 2022 sa Camp Captain Julian Olivas, City of San Fernando, Pampanga nito lamang Martes, Hunyo 21, 2022.
Ang nasabing kompetisyon ay pinangunahan ni Police Lieutenant Colonel Maharlika Oscar C Villasis, Chief, Regional Learning and Doctrine Development Division at pinamunuan ni Police Brigadier General Matthew P Baccay, Regional Director of Police Regional Office 3.
Ayon kay PBGen Baccay, sampung iba’t ibang provincial offices ng PRO3 ang mga nakilahok sa nasabing kompetisyon.
Dagdag ni PBGen Baccay, ang aktibidad ay bilang paghahanda ng kapulisan ng rehiyon tres sa darating na inagurasyon ng ating bagong halal na Presidente na si President Ferdinand Bong Bong Marcos Jr.
Ang nanalo sa nasabing patimpalak ay ang Bulacan Police Provincial Office na ipinamalas ang kanilang angking galing at talino.
Sinisiguro ng pamunuan ng Police Regional Office 3 na patuloy silang magsasagawa ng iba’t ibang pagsasanay para sa kanilang kapulisan upang madagdagan ang karunungan at maging epektibo sa kanilang sinumpaang tungkulin.
###
Panulat ni Police Corporal Jeselle V Rivera
