Naaresto ng mga tauhan ng Warrant Operatives ng Sto Tomas Component City Police Station ang tinaguriang Most Wanted Person sa City Level sa Purok 1 Barangay Sta Maria, Sto Tomas City, Batangas nito lamang ika-10 ng Disyembre 2024.
Kinilala ni Police Lieutenant Colonel Apolinario I Lunar Jr., Officer-In-Charge ng Sto. Tomas CCPS, ang suspek na si alyas “Rodel”, 47 taong gulang, may asawa, construction worker, tubong Labo, Camarines Norte at kasalukuyang naninirahan sa Purok 1 Barangay Sta Maria, Sto Tomas City, Batangas.
Sa isinagawang manhunt operation ng mga operatiba, natukoy nito ang Most Wanted Person at hinuli sa bisa ng Warrant of Arrest dahil sa kaso nitong paglabag sa Section 10(A) Article VI ng Republic Act 7610 in Relation to Section III, Paragraph (B) na walang piyansa.
Hindi tumitigil ang ating kapulisan sa pagdakip sa mga kriminal na nagtatago sa batas upang mabigyang hustisya ang mga biktima nito.
Ang kampanya laban sa kriminalidad ay mas pinaigting ng ating mga alagad ng batas na kailanman ay hindi napapagod na pagsilbihan ang taumbayan para sa isang ligtas at mapayapang Bagong Pilipinas.
Source: Sto Tomas CCPS
Panulat ni Pat Maria Sarah P Bernales
