Quezon City – Ginawaran ng Medalya ng Kagalingan si Police Colonel Tirso Manoli, City Director ng Santiago City Police Office kasabay ng Monday Flag Raising Ceremony na ginanap sa Camp BGen Rafael T Crame, Quezon City nitong ika-24 ng Hulyo 2023.
Ang naturang award ay iginawad ni Lieutenant Colonel Gina Marie Angangco ng Philippine Army Reserve bilang Guest of Honor and Speaker at PNP Chief Police General Benjamin C Acorda, Jr kay PCol Manoli para sa kanyang hindi matatawarang pagganap sa kanyang tungkulin.
Ang accomplishment ay kaugnay sa isinagawang Police Operation sa Malvar, Santiago City noong ika-21 ng Hunyo 2023 na nagresulta ng pagkakaaresto sa suspek sa panghoholdap at pagpatay sa nursing student. Ang kasong Robbery with Homicide ay isinampa sa Regional Trial Court ng naturang lungsod.
Isa sa mga patunay na ang Santiago Cops ay nakatutok sa paglutas sa ganitong krimen at hindi matitinag na pigilan ang kasamaan na maaaring mangyari sa lungsod.
Sa mensahe ni PNP Chief PGen Acorda Jr, binati niya ang mga nagawaran ng award sa kanilang kagitingan at integridad na gampanan ang tungkulin na maglingkod sa bayan tungo sa “Serbisyong Nagkakaisa”.
Panulat ni PSSg Jerlyn V Animos
