Camp Crame, Quezon City — Nanumpa bilang bagong miyembro ang mga Church Leaders ng bansa upang maging kaisa sa adbokasiya ng PNP sa grupo ng Battle Against Drugs (BAD) nito lamang Lunes, Nobyembre 14, 2022 sa Multi-Purpose Center, Camp BGen Rafael T Crame, Quezon City.
Bago manumpa ang mga ito, isang Memorandum of Agreement ang naganap sa pagitan ng PNP na isinabay sa Traditional Monday Flag Raising Ceremony sa Kampo Crame.
Tampok sa programa ang pinning of B.A.D. logo sa mga hinalal na officers at mga miyembro ng nasabing adbokasiya.
Pagkatapos nito, sumailalim ang mga Church leaders sa oryentasyon at seminar na siya nilang magiging gabay upang mapalakas ang laban kontra ilegal na droga.
Magsisilbi silang ilaw at daan sa kanilang mga miyembro sa simbahan na siyang magiging isa rin sa isinusulong na Battle Against Drugs upang bigyan ng Awareness ang publiko.
Ang pakikipagtulungan ng naturang grupo sa pulisya na labanan ang ilegal na droga ay isang malaking tulong upang matapos na ang paglaganap nito sa bansa.
