Sa pagdiriwang ng Pasko, muling ipinamalas ng mga tauhan ng 2nd Nueva Ecija Provincial Mobile Force Company ang kanilang malasakit sa komunidad sa isinagawang Christmas Gift Giving Activity para sa mga bata sa Sitio ng Barangay Villa Marina, San Jose City, Nueva Ecija nito lamang Miyerkules, ika-25 ng Disyembre 2024.
Ang programa ay inisyatibo ng naturang yunit sa ilalim ng pamumuno ni Police Lieutenant Colonel Warly C Bitog, Force Commander.
Nagsimula ang aktibidad sa pamamagitan ng “Santa Cops on Wheels,” kung saan namahagi ng sweet treats at mga torotot sa mga bata.
Nagdaos ng outreach program at nagkaroon ng palaro na nagbigay ng premyo sa mga nanalong bata kasama ang mga magulang.
Kitang-kita ang kasiyahan sa mga ngiti ng mga batang nakatanggap ng simpleng regalo.
Ito ay patunay na ang mga kapulisan ay hindi lamang tagapagpatupad ng batas, kundi katuwang din sa pagpapalaganap ng saya at malasakit lalo na sa mga bata.
Inaasahan na magpapatuloy ang ganitong gawain, na layong gawing mas makulay at makabuluhan ang bawat Pasko para sa bawat pamilyang Pilipino.
Panulat ni Pat Lixen Reyz A Saweran
