Caloocan City — Arestado ang isang Chinese National matapos mahulihan ng Php170,000 halaga ng shabu ng mga tauhan ng Caloocan City Police Station nito lamang Biyernes, Mayo 26, 2023.
Kinilala ni Northern Police District Director, Police Brigadier General Ponce Rogelio Peñones Jr., ang suspek na si Lin Rongshun, 42, may ka live-in partner, walang trabaho at nakatira sa 35-F Quintin Paredes Road, Binondo, Manila City.
Ayon kay PBGen Peñones Jr, naganap ang operasyon bandang 3:40 ng madaling araw sa kahabaan ng Phase 5, Solido Street, Barangay 176, Bagong Silang, Caloocan City sa pangunguna ng Operatives of Intelligence Section ng istasyon kung saan naaktuhang nagsasagawa ng ilegal na aktibidad at nagresulta sa pagkakaaresto sa suspek.
Nakumpiska sa suspek ang isang medium heat-sealed transparent plastic sachet na naglalaman ng pinaniniwalaang shabu na humigit kumulang 25 gramo ang bigat at tinatayang nagkakahalaga ng Php170,000 at isang Toyota Avanza (Silver) na may plate number na DAH 1397.
Kasong paglabag sa RA 9165 o Comprehensive Dangerous Drugs Act of 2002 ang kakaharapin ng suspek.
“Pinupuri ni PMGen Edgar Alan O Okubo, Regional Director ng NCRPO ang Caloocan City Police Station sa walang patid na dedikasyon sa sinumpaang tungkulin upang labanan ang ilegal na droga at mapanatili ang kapayapaan at kaayusan sa komunidad.”
Source: NPD PIO
Panulat ni PSSg Remelin M Gargantos
