Camp Simeon A. Ola, Legaspi City – Binisita ni Police General Rodolfo Santos Azurin Jr., Hepe ng Pambansang Pulisya ang Police Regional Office 5 (PRO5), Camp BGen Simeon A. Ola, Legaspi City, Albay nito lamang Sabado, Oktubre 8, 2022.
Malugod na sinalubong ng pamunuan ng PRO5 sa isinagawang arrival honors sa ilalim ng pamumuno ni Police Brigadier General Rudolph B Dimas, Regional Director ang pagbisita ni Chief PNP, PGen Azurin Jr.
Nagkaroon ng maikling programa kung saan isa mga naging tampok ng palatuntunan ay ang pagpaparangal sa mga katangi-tanging gawa ng mga kapulisan ng PRO5 at pagturn-over ng 350 yunit ng 5.56 Emtan Basic Assault Rifle (BAR), 200 yunit ng 9mm Striker Fired Pistol “GIRSAN”, 121 yunit ng Enhanced Combat Helmet Level III sa pamunuan ng PRO5 at pagbigay ng Restoration of Patrol Jeep sa himpilan ng Bulusan MPS, Sorsogon PPO na malugod na tinanggap ni Police Lieutenant Alwin M Latonio, OIC.
Isa sa mga mahalagang bahagi ng programa ay ang pagbabalik- loob ng 32 Former Rebels (FR) na makakatanggap ng mga benepisyo sa ilalim ng E-CLIP o ang Enhanced Comprehensive Local Integration Program ng pamahalaan.
Kabilang sa mga dumalo sa nasabing programa ay ang ahensya ng DSWD, TESDA, DILG at DOLE upang magbigay ng tulong at asistensya sa mga nagbalik-loob na sinundan ng pamamahagi ng food packs at tulong pinansyal.
Sa naging pahayag ni PGen Azurin Jr. ay nagpapasalamat siya sa 32 na former rebels na nagbalik-loob sa kapulisan at siya ay nanawagan dito na ipaabot ang mga hinaing nila upang maipaabot sa mga ahensya ng gobyerno ang dahilan ng kanilang mga suliranin.
Samantala, ipinapaabot naman ni PGen Rodolfo S Azurin Jr., ang taos pusong pasasalamat sa mainit na pagtanggap ng KASUROG COPS sa kanyang pagbisita.
Panulat ni Pat Rodel C Grecia
