Davao City – Mainit na sinalubong ang hepe ng pambansang kapulisan na si PGen Rodolfo Azurin Jr. ng mga tauhan ng Police Regional Office (PRO) 11 para sa kanyang command visit sa Camp. Sgt. Quintin M Merecido, Buhangin, Davao City, noong Nobyembre 17, 2022.
Pinangunahan ni PBGen Benjamin Silo Jr., Regional Director, PRO 11 at ilang matataas na opisyal ng PNP ang pagsalubong kay PGen Azurin Jr, kasunod ang pagpapakitang gilas ng mga talento ng PRO11 IP dancers na mula pa sa iba’t ibang probinsya ng Davao.
Kasunod nito ay ang pagpaparangal sa PRO 11 deserving personnel at best performing unit para sa buwan ng Nobyembre.
“Patuloy po tayong magtrabaho, patuloy po nating dagdagan ang ating napakaraming accomplishments because the people of region 11 expects no less from every policeman na dapat ay nararamdaman ng ating mga kababayan dito na sila po ay handang paglingkuran at suportahan ng kanilang kapulisan 24/7”, pahayag ni CPNP.
Matapos ang mensahe ay iprinisenta ng PRO 11 ang lahat ng mga confiscated, captured, surrendered, deposited, abandoned at forfeited firearms.
Magpapatuloy ang ganitong programa ng PNP upang makamit ang pagkakaisa ng sambayanan tungo sa mapayapa at ligtas na bansa.
Panulat ni Pat Rhod Evan Andrade
