Sarangani Province – Nagsagawa ng Charity Ride ang mga tauhan ng Regional Highway Patrol Unit 12 para sa mga residente ng Brgy. Pag-Asa, Alabel, Sarangani Province nito lamang ika-22 ng Mayo 2023.
Pinangunahan ni Police Colonel Eliseo Malana Jr., Regional Chief RHPU 12, ang aktibidad kasama si Police Colonel Nicomedes Olaivar Jr., Provincial Director ng Sarangani, Eagles Club, Criminology Interns ng Ramon Magsaysay Memorial Colleges at Force Multipliers na boluntaryong nakiisa sa aktibidad.
Mahigit 200 na residente ang naging benepisyaryo na napamahagian ng food packs, mga water tumbler, pagkain at inumin.
Kasabay ng aktibidad ay nagsagawa din ng libreng gupit at namahagi ng kagamitan pang eskwela para naman sa mga kabataan.
Ang aktibidad ay naglalayong pagtibayin ang ugnayan ng pulisya at ng mamamayan tungo sa progresibo, maunlad at mapayapang komunidad.
Panulat ni Patrolman Charnie Atienza Mandia/RPCADU12
