Nagsagawa ng Ceremonial Signing of Memorandum of Understanding at Declaration of Stable Internal Peace and Security ang iba’t ibang ahensya ng gobyerno na may Temang “Pagtataguyod ng Kapayaan, para sa Maunlad na Pamayanan” na ginanap sa Taal Convention Center, Barangay Carsuche, Taal, Batangas nito lamang ika-5 ng Oktubre 2024.
Ito ay sa pagitan ng Lokal na Pamahalaan ng Taal, Batangas at ng Municipal Task Force to End the Local Communist Armed Conflict (MTF-ELCAC), 59th Infantry “PROTECTOR” Battalion, 2nd Infantry Division, Philippine Army, Batangas Police Provincial Office, PRO 4A, at Department of Interior and Local Government (DILG) IV-A.
Itinampok sa naturang MOU ang pagkilala sa Bayan ng Taal bilang isang “Stable Internal Peace and Security (SIPS) Municipality.” Ito ay base sa iniulat ng AFP na walang anumang inisidente ng karahasan mula sa makakaliwang grupo ang naitala sa nakalipas na taon, dahilan upang madeklarang SIPS ang Bayan ng Taal, Batangas.
Ang ganitong uri ng aktibidad ay naglalayong hikayatin ang komunidad, gobyerno, at law enforcers na makipagtulungan at magkaisa upang mapalakas ang kampanya ng ating bansa laban sa terorismo.
Source: Taal Pulis
Panulat ni Pat Maria Sarah P Bernales
