Cagayan de Oro City – Aktibong nakilahok ang mga tauhan ng Cagayan de Oro City Police Office sa Launching ng Road Safety IEC Materials na inilunsad ng Department of Health 10 na ginanap sa West City Central School, Cagayan de Oro City nito lamang ika-1 ng Hunyo 2023.
Naging Panauhing Pandangal ang Regional Director ng Department of Health 10 na si Mr. Jose Lacuna Jr.
Lumahok din sa aktibidad ang mga miyembro ng Department of Interior and Local Government 10, City Disaster Risk Reduction Management Office at mga guro ng nabanggit na paaralan.
Nasa 200 na Grade 6 pupils ang nakiisa sa naturang programa.
Tinalakay sa aktibidad ang mga pangunahing aksidente na nangyayari sa Cagayan de Oro City at kung paano makakaiwas dito.
Isinagawa rin ang pagsusuri ng mga traffic signs upang maging pamilyar ang mga estudyante at makaiwas sa anumang uri ng aksidente sa lansangan.
Layunin nito na mapangalaan ang kaligtasan ng bawat kabataan na siyang pag-asa ng bayan.
Panulat ni Patrolman Edwin Baris/RPCADU10
