Cagayan de Oro City – Nasa 80 na mga Barangay Tanod ang nakatanggap ng mga bagong kagamitan para sa pagpapanatili ng kapayapaan sa isinagawang pagtitipon ng Cagayan de Oro City PNP nito lamang ika-27 ng Nobyembre 2023.
Ito ay pinangunahan ni Police Major Julius Saluta, Chief ng City Community Affairs and Development Unit, Kap. Chris Precilla, OBT Coordinator kasama sina Police Senior Master Seargent Kenneth Montaño at Police Senior Sergeant Jacky Jumo.
Sa naturang aktibidad ay ipinamahagi ang mga bagong kagamitan sa pagpapanatili ng kapayapaan ng lungsod ng mga Barangay Tanod tulad ng yantok; posas; pito at flashlights.
Ito ay isang paraan ng Cagayan de Oro City PNP kaugnay sa Strengthening Community Security katuwang ang mga Barangay Tanod sa iba’t ibang barangay ng lungsod upang mapanatili ang payapa at ligtas ang mga mamamayan.
