Camp Vicente Lim, Calamba City – Isinagawa ang CDM Simulation Exercise sa Police Regional Office 4A, Camp Vicente Lim, Calamba, Laguna nito lamang Huwebes, Hulyo 21, 2022.
Pinangunahan ni Police Brigadier General Antonio Yarra, Regional Director, Police Regional Office 4A, ang aktibidad kung saan nagpamalas ng galing, husay at bilis ang limang Police Provincial Offices sa pagsagawa ng Civil Disturbance Management Skill.
Ang naturang aktibidad ay bilang paghahanda sa darating na pinakaunang State of the Nation Address (SONA) ni President Ferdinand “Bong Bong” Romualdez Marcos Jr.
Samantala, tinanghal naman kampiyon sa naturang kompetisyon ang Rizal Police Provincial Office, na pinamunuan ni Police Colonel Dominic Baccay, Provincial Director.
Ang PNP CALABARZON ay patuloy na magsasagawa ng mga ganitong aktibidad upang masiguradong laging handa at aktibo para masiguro ang mapayapa, maayos at ligtas na komunidad.
###
Panulat ni Police Executive Master Sergeant Joe Peter Cabugon
