Nagsagawa ang Cauayan City Police Station ng Gender Sensitivity Training sa mga kababaihan sa Brgy San Isidro, Cauayan City, Isabela nitong ika-30 ng Setyembre 2022.
Pinangunahan ni PMaj Esem Galiza, Deputy Chief of Police ang pagtuturo sa nasabing aktibidad at tinalakay din ang RA 9262.
Sa gitna ng pagtalakay sa mga nasabing paksa, naipahayag ng ibang kababaihan ang kani-kanilang suliranin sa loob ng kanilang tahanan.
Hinikayat ni PMaj Galiza ang mga kababaihan na huwag magdalawang-isip anuman ang nais idulog sa himpilan ng pulisya upang sila ay mabigyan ng agarang tulong.
Lubhang nasiyahan naman ang bawat dumalo sa nasabing aktibidad. Nagpasalamat naman ang Punong Barangay sa kapulisan sa pagsasagawa sa nasabing aktibidad dahil malaking tulong ito sa mga kababaihan sa kanilang lugar.
Layunin ng aktibidad na tumulong sa mga kababaihan na may mga suliranin sa pamilya at maipaglaban ang karapatan lalo sa mga inaapi o sinasaktan ng kanilang asawa.
Isa pang layunin na mapanatili ang tiwala ng komunidad sa kapulisan at makiisa sa mga programang pangkapayapaan.
Source: Cauayan City PS
Panulat ni PSSg Jerlyn V Animos
