Castilla, Sorsogon – Nakilahok ang Castilla PNP sa isinagawang Tree Planting Activity sa Barangay Burabod, Castilla, Sorsogon nito lamang Linggo, Agosto 21, 2022.
Ang pakikilahok ng mga tauhan ng Castilla Municipal Police Station ay sa pangangasiwa ni Police Major Marmay O Fartingca, Chief of Police, katuwang ang Barangay Council ng nasabing barangay at ng mga miyembro ng Philippine Army.
Ang aktibidad ay pinangunahan ng The Fraternal Order of Eagles – Philippine Eagles, Kasanggayahan Eagles Club at One Donpicaso Eagles Club.
Layunin ng programa na madagdagan ang mga tanim na punongkahoy na makakatulong sa pagkontrol sa pagbabago ng klima at pagbalanse ng ating ecosystem.
Ang PNP ay patuloy na makikilahok sa mga aktibidad na may kaugnayan sa pangangalaga ng ating kalikasan upang mabigyan ng sapat na kamalayan ang ating mga kababayan sa kahalagahan ng pagtatanim ng mga punongkahoy at pagmamalasakit sa kapaligiran.
Source: Castilla Mps Sorsogon Ppo
###
Panulat ni PCpl Angelli Torrecampo
