Matagumpay na itinurn-over ang pangkabuhayang Carwash Vendo para sa People’s Organization (PO) ng Tag-ugpo Bantay Kalinaw Association o TAGBAKA na binubuo ng mga miyembro ng Barangay Peace Action Teams o BPATs ng Brgy. Tag-ugpo, Pantukan, Davao de Oro, araw ng Miyerkules, Oktubre 13, 2021.
Ito ay isinagawa ng mga tauhan ng RMFB 11 sa pangunguna ni PLtCol Rodrigo Benedicto H Sarmiento Jr, Officer-In-Charge, kasama ang Revitalized-Pulis sa Barangay Tag-ugpo sa pamumuno ng kanilang team leader na si PLt Charlie P So Jr, kung saan dumalo sina PCpt Lester L Naraja, Acting Company Commander, 1101st Maneuver Company; Tag-ugpo Brgy. Council sa pangunguna ni Brgy. Kagawad Hon. Edgardo Rekones; SK Chairperson Sharlyn Joy Eclonar; at mga miyembro ng TAGBAKA.
Ang nasabing carwash vendo ay itinayo sa inisyatibo ng R-PSB Tag-ugpo na kabilang sa kanilang mga Quick Impact Project upang mabigyan ng karagdagang pagkakakitaan at mas mataas na income sa araw-araw ang mga miyembro ng PO na siya ring inorganisa ng R-PSB.
Sa naturang aktibidad, ipinahayag ng presidente ng TAGBAKA na si G. Angelito Sugabo, ang taos-pusong pasasalamat ng mga BPATs sa R-PSB Team na siyang nagtayo ng nasabing proyekto para sa kanilang kabuhayan. Sa pamamagitan nito ay mas mapaghuhusay pa nila ang kanilang masigasig na paglilingkod sa komunidad.
Naging posible naman ang kanilang proyekto dahil na rin sa tulong at walang sawang suporta ng kanilang mababait na stakeholders, Davao de Oro Provincial Governor Hon. Jayvee Tyron L Uy at Mr. Leonel “Jhong” D. Ceniza, Operation Manager, R.A. Pahati Construction & Supply.
Ito ay ilan lamang sa mga proyekto ng RMFB 11 R-PSB upang bigyang pagpapahalaga ang bawat kasapi ng nasabing PO sa kanilang patuloy na pag-agapay at pagtulong sa gobyerno, partikular na sa PNP, sa pagpapanatili ng kapayapaan at kaayusan ng kanilang lugar at bilang katuparan na rin sa layunin ng R-PSB alinsunod sa programa ng PNP upang palakasin ang mga barangay-based institutions gayundin ang ugnayan ng mga residente at ng PNP.
Bukod dito, sila ay namahagi rin ng mga food packs para sa mga kasapi ng PO mula sa Office of the Municipal Mayor of Pantukan sa pamumuno ni Hon. Roberto M. Yugo, bilang tanda ng pasasalamat sa aktibong suporta ng mga BPAT sa mga programa ng pamahalaan.
#####
Article by Police Corporal Mary Metche A Moraera
