Lanao del Sur – Naharang sa isinagawang PNP Checkpoint ang isang carnapped na sasakyan sa kahabaan ng Narciso Ramos Highway, Brgy. Daguan Kapatagan, Lanao del Sur, noong Oktubre 26, 2022.
Kinilala ni Police Brigadier General John Guyguyon, Regional Director ng PRO BAR, ang naaresto na si Jaime Baria Olarte, nasa hustong gulang at residente ng Marquez Street, 050 Barangay 13, Ilawod West, Legaspi City na nagmamaneho ng isang Blackish Red Toyota Vios mula Zamboanga City patungo sa Davao City.
Ayon kay PBGen Guyguyon, Miyekules ng umaga nakatanggap ng mensahe ang Kapatagan MPS mula sa Regional Highway Patrol Unit tungkol sa isa umano’y carnapped na sasakyan na na-blotter sa Davao City sa ilalim ng pangalan ng isang owner-operator ng Rent-a-Car service sa Ecoland, Davao City.
Dagdag pa, ang naarestong suspek ay isinailalim sa dokumentasyon habang inaaresto at dadalhin sa kustodiya ng RHPU BAR para sa tamang disposisyon ng sasakyan at pagsasampa ng kaso laban sa suspek.
Samantala, pinuri ni PBGen Guyguyon, ang operating team para sa matagumpay na pagdakip sa suspek at binibigyang diin na ito ay isang patunay sa pangako ng PRO BAR sa kampanya nito laban sa lahat ng uri ng kriminalidad sa rehiyon.
Panulat ni Patrolman Charlie Nasroden Corpuz
