Northern Samar – Namahagi ang mga tauhan ng Capul Municipal Police Station ng munting regalo sa mga mag-aaral ng Diraya Elementary School sa Capul, Northern Samar nitong Lunes, Nobyembre 28, 2022.
Ang aktibidad ay pinangunahan ni Police Staff Sergeant Lee Grace Borden, WCPD PNCO sa pamumuno ni Police Lieutenant Glecerio Timan, Officer-In-Charge kasama si Ginang Arlena Castillo mula sa Municipal Social Welfare and Development Office.
Ang kapulisan ay namahagi ng mga kapote at payong sa tinatayang 40 na mag-aaral ng nasabing eskwelahan.
Ang naturang aktibidad ay bilang pakikiisa sa pagdiriwang ng ika-30th National Children’s Month na may temang, “Kalusugan, Kaisipan, at Kapakanan ng Bawat Bata ating Tutukan” na naglalayong mabigyan ng proteksyon ang mga karapatan ng mga bata.
