Roxas City, Capiz – Nagsagawa ng Pre-Deployment Orientation Seminar ang Cadiz PPO sa mga augmented personnel sa iba’t ibang polling center sa lalawigan ng Capiz na ginanap sa Covered Gym, Camp Teodorico C Apil, Brgy. Lanot, Roxas City ngayong araw ng Biyernes, ika- 6 ng Mayo 2022.
Ang naturang aktibidad ay pinangunahan ni PCol Winston De Belen, Provincial Director ng Capiz Police Provincial Office, kasama ang Command Group nito, at Provincial Staff Officers upang ipapaalala sa mga tauhan ng Cadiz PNP ang mga dapat at hindi dapat gawin sa araw ng halalan, mga alintuntunin at mga direktiba habang nasa pagganap ng tungkulin sa kani-kanilang lugar kung saan sila maitalaga.
Layunin din nito na tiyakin ang kaligtasan at seguridad ng komunidad para sa Secure, Accurate, Free/Fair Elections 2022.
Pinaalalahanan naman ni PCol De Belen ang mga tauhan ng nasabing PPO upang maging handa sa anumang sitwasyon, at maging mulat sa pagkakaroon ng vote buying. Gayundin, inatasan silang maging alerto upang hadlangan ang paglitaw ng anumang krimen.
