Mercedes, Camarines Norte – Naghandog ang Camarines Norte Police Provincial Office ng maagang pamasko at nagpasaya sa mga batang mag-aaral ng Jack and Jill 1 Daycare Center, Barangay II, Mercedes, Camarines Norte nito lamang Huwebes, Disyembre 8, 2022.
Ang naturang aktibidad ay inisyatibo ng Camarines Norte Police Provincial Office na may temang “Pamaskong Handog ni Pulis Bantayog” na pinangunahan ni PLtCol Rogelyn Peratero, Chief PCAD, sa ilalim ng pamumuno ni PCol Antonio Bilon, Jr. katuwang ang mga tauhan ng Mercedes MPS, mga opisyales ng nasabing barangay, kinatawan ng religious sectors, mga stakeholders at Advocacy Support Groups.
Nabigyan ng kani-kanilang regalo ang nasa 45 na batang mag-aaral na sinuklian naman nila ng labis-labis na kasiyahan.
Napaindak rin ang iba pang dumalo sa nasabing aktibidad dahil sa nakakaaliw na musikang handog ng CNPPO Band.
Ang aktibidad na ito ay naaayon sa programa ni Chief PNP na MKK=K o Malasakit, Kaayusan, Kapayapaan tungo sa Kaunlaran sa pamamagitan ng Revitalized PNP KASIMBAYANAN na naglalayong lumikha ng kamalayan sa bawat mamamayan sa pamamagitan ng pagpapalaganap ng pagmamahal at pagbibigay ng tulong sa komunidad para sa maayos na pagtataguyod ng kapayapaan at kaayusan ng bayan lalo na ngayong kapaskuhan.
Source: Camarines Norte PPO
