Tarlac – Nakiisa sa Brigada Eskwela ang Camiling PNP sa Camiling Central Elementary School, Barangay Poblacion H, Camiling, Tarlac nito lamang Huwebes, ika-24 ng Agosto 2023.
Ang naturang aktibidad na pinamunuan ni Police Lieutenant Colonel Jim Tayag , Acting Chief of Police ng Camiling Municipal Police Station katuwang ang mga guro sa nasabing paaralan.
Naging aktibo ang Camiling PNP sa pagkumpuni ng mga sirang gamit at paglilinis sa paligid ng nasabing paaralan.
Ito ay may temang “Bayanihan para sa Matatag na Paaralan”.
Layunin nito ang masiguro ang kaligtasan ng mga mag-aaral at preparasyon sa nalalapit na pasukan sa pampublikong paaralan nitong Agosto 29, 2023.
Sinisiguro ng Tarlac PNP ang patuloy na makikiisa at makikipagtulungan sa iba’t ibang programa ng ating pamahalaan para sa ligtas at maunlad na pamumuhay.
Source: Tarlac Police Provincial Office
Panulat ni PCpl Jeselle V Rivera
