Arestado ang isang Call Center agent ng mga tauhan ng Parañaque City Police Station para sa kasong Rape at Robbery Extortion sa Annex 35, Parañaque City nito lamang Biyernes, Hulyo 19, 2024.
Kinilala ni SILG Secretary Benjamin “Benhur” Abalos Jr., ang suspek na si alyas “Edward”, isang 25 anyos na call center agent.
Nakilala ang complainant na isang 19 anyos na babaeng estudyante ang suspek sa pamamagitan ng online dating application.
Matapos makipag-ugnayan, ginahasa umano ng suspek ang biktima at pagkatapos ay humingi ng malaking halaga kapalit ng hindi pagpost ng mga sensitibong litrato niya online.
Nang matanggap ang impormasyon, agarang nagsagawa ng entrapment operation ang Southern Police District Special Operation Unit, katuwang ang biktima at ang kanyang ama na kalaunan ay humantong sa pagkahuli ng suspek na nahaharap sa mga reklamong robbery extortion, at Rape.
Ang PNP ay pananagutin sa batas ang lahat ng nagkasala upang maibigay ang hustisya para sa mga biktima at pamilya nito.
Source: SPD PIO
Panulat ni PSSg Remelin M Gargantos
