Calatrava, Negros Occidental – Muling nagsagawa ng Community Outreach Program ang mga tauhan ng Calatrava Municipal Police Station sa pamumuno ni Police Major Lumyaen D Lidawan, Acting Chief of Police, nitong ika-28 ng Hulyo 2022 sa So. Tinibiangan at So. Nabaisan, Barangay Minapasok, Calatrava, Negros Occidental.
Bahagi ng nasabing aktibidad sa pagtatapos ng isang buwang selebrasyon ng ika-27 anibersaryo ng Police Community Relations Month na may layuning patuloy na makipag-ugnayan at maghandog ng kahit anumang uri ng tulong sa komunidad.
Kabilang sa mga nakilahok sa naturang aktibidad ang mga tauhan ng Department of Social Welfare and Development, PNP Special Action Force, 79 Infantry Battalion Philippine Army, LGU Calatrava at ng mga kasapi ng Calatrava Active Gays Association o CAGA, Youth for Peace at ng mga Stakeholders, volunteers, at mga Force Multiplier.
Namahagi ang grupo ng bigas at iba’t ibang grocery items, damit, sapatos at mga laruan sa lahat ng mga residente na dumalo sa nasabing programa.
Nagpasalamat naman si PMaj Lidawan sa lahat ng mga ahensya at organisasyon na tumulong upang maging matagumpay ang nasabing programa at tiniyak ang mga residente na ipagpatuloy pa rin ng Pambansang Pulisya ang paghahatid ng tulong sa lahat ng malalayong barangay sa nasabing bayan.
