Bilang paghahanda sa banta ng Bagyong Pepito, nakaalerto at nakahanda na ang mga tauhan ng Police Regional Office 2, sa ilalim ng pangangasiwa ni Police Brigadier General Antonio P Marallag Jr, Regional Director, para sa disaster response operations sa posibleng maging epekto ng bagyong Pepito sa Lambak ng Cagayan ngayong ika-17 ng Nobyembre 2024.
Isinagawa ang pagsusuri ng mga kagamitan para sa Search and Rescue Operations, kabilang ang mga Rubber Boats, life vest, helmet, megaphone, at mga gamit para sa pagliligtas tulad ng mga lubid, martilyo, at iba pang pang-imbak, para sa mabilisang pagresponde sa mga komunidad na maaapektuhan ng baha, at iba pang peligro dulot ng bagyo, gayundin ang pagtatalaga ng mga tauhan.
Patuloy din ang pagsasagawa ng water level monitoring ang kapulisan sa mga mabababang lugar at Oplan Tambuli upang paalalahanan at abisuhan ang mga residente na manatili sa kanilang mga tahanan.
Patuloy naman na nakikipag-ugnayan ang RMFB 3, sa mga lokal na pamahalaan at iba pang ahensya, nagbibigay ng impormasyon at gabay sa publiko habang ang bagyo ay papalapit, at handang umaksyon anumang oras
Ang Valley Cops ay patuloy na nakikipag-ugnayan sa mga lokal na pamahalaan at iba pang ahensya, upang masiguro ang kaligtasan ng mamamayan ngayong panahon ng kalamidad at hinihikayat din ang pakikiisa at pakikipagtulungan ng komunidad upang maging mas ligtas at handa sa anumang sakuna.
Source: Police Regional Office 2
Panulat ni PCpl Kelvin Paul Juan
