Bumisita at nagbigay nag agarang lunas medical ang mga miyembro ng Station Health Unit ng Cagayan Police Provincial Office sa tatlong evacuation center sa lungsod ng Tuguegarao City, Cagayan nito lamang Oktubre 30, 2022.
Nasa 264 indibidwal o halos 61 na pamilya ang pansamantalang naninirahan sa evacuation centers dahil sa bahang dulot ng bagyong Paeng.
Ginawang evacuation center ng lungsod ang East Central Elementary School, St. Peters Cathedral Gymnasium, at Tuguegarao North Central School.
Sa pag-iikot ng mga kapulisan ay nagsagawa sila ng pagkuha ng blood pressure, pamimigay ng paunang lunas gayundin ang pamamahagi ng mga gamot at agarang medikal na atensyon para sa ikabubuti ng mga residenteng nasa mga nabanggit na evacuation centers.
Pinuri naman ni Police Colonel Julio Gorospe Jr. Officer-In-Charge ng Cagayan Police Provincial Office (PPO) ang bawat miyembro nito na patuloy na naka-alerto at nagseserbisyo publiko lalo na sa mga biktima ng nagdaang bagyo sa lalawigan.
Nagbabala din si PCol Gorospe sa mga mamamayan ng Cagayan na sumunod sa mga paalala ng pamahalaan at otoridad upang maiwasan ang mas matinding pinsala na maidudulot ng bagyo sa bawat indibidwal at sa kanilang mga pamilya.
Source: Cagayan PPO
Panulat ni Police Corporal Carla Mae P Canapi
