Nakiisa ang Cagayano Cops sa paghahatid at pamamahagi ng relief packs para sa mga residente na naapektuhan ng bagyong Nika sa Barangay Dassun, Solana, Cagayan nitong ika-13 ng Nobyembre 2024.
Pinangunahan ni Police Lieutenant Colonel Stanley Banan, Chief of Police ng Solana Police Station ang nasabing operasyon, katuwang ang Municipal and Social Welfare and Development Office ng Solana at Municipal Disaster Risk Reduction and Management Office.
Sama-sama at tulong tulong ang grupo sa paghatid ng mga food packs na ipinamahagi sa mga residente na naglalaman ng pangunahing pangangailangan tulad ng bigas, mga delata, at iba pa.
Ang Pambansang hanay ng kapulisan ay hindi lamang nakatuon sa seguridad ng komunidad, kundi patuloy na kaagapay ng pamahalaan sa pagpapaabot ng tulong sa ating mga kababayang biktima ng kalamidad.
Source: Solana PS PCR
Panulat ni Pat Donnabele Galang
