Cagayan – Nakiisa at nagpakita ng suporta ang mga miyembro ng Cagayan Police Provincial Office sa isinagawang Community Outreach Program sa Sitio Birao, Brgy. Hacienda Intal, Baggao, Cagayan na ginanap nitong March 23, 2023.
800 na residente ng nabanggit na barangay ang naging benepisyaryo ng aktibidad na pinangunahan ng lokal na pamahalaan ng bayan ng Baggao.
Nakatanggap ng tulong at serbisyo ang mga residente katulad ng medical at dental mission at libreng tuli sa mga bata na naging katuwang ng Municipal Health Office Baggao ang mga Pulis Doctors at Pulis Nurses.
Nagkaroon din ng feeding program at pagkuha ng impormasyon para sa registration sa Philippine Statistics Authority.
Namahagi rin ng bigas, bitamina at mga gamot at mga binhi ng gulay.
Liban dito, nagsagawa rin ang Baggao Police Station at Municipal Social Welfare and Development office ng Baggao ng pagtalakay tungkol sa Anti-Rape Law at Anti-Violence Against Women And Children Law.
Sa mensahe ni Police Lieutenant Colonel Ramil Alipio, bilang kinatawan ni Police Colonel Julio S Gorospe Jr, Provincial Director ng Cagayan PPO, kanilang inihayag ang pagsuporta ng Kapulisan sa lahat ng programa ng Bayan ng Baggao upang makamit ang katahimikan at kaayusan ng kanilang lugar.
Ang buong hanay ng Pambansang Pulisya ay nagpapasalamat sa mga lokal na pamahalaan at hinihikayat na patatagin ang ugnayan para makamit ang kaayusan at katahimikan ng pamayanan.
Source: Cagayan Police Provincial Office
Panulat ni Police Corporal Carla Mae P Canapi
