Pinangunahan ni Provincial Director, PCol Julio Gorospe Jr. ang pagsagawa ng mga tulong para sa komunidad simula ng dumating at palabas ng bansa ang bagyong “Egay”.
Sa hagupit ng naturang bagyo ay nag-iwan ito ng matinding baha sa lalawigan. Maraming mga bahay ang bahagyang nasira ng bagyo kasama na rin ang mga nasawing mga alagang hayop at nasirang pananim tulad ng palay at mais.
Dahil dito, nagsagawa ng Disaster Relief Operation ang Cagayan PPO sa bayan ng Allacapan, Cagayan nito lamang Hulyo 28, 2023 sa Municipal Gymnasium.
Nakapag-abot ng 150 relief packs na naglalaman ng bigas, can goods, noodles at kape sa siyam na barangay, kabilang dito ang Centro West, Centro East, Binubungan, Dagupan, Pacac, Daan-ili, Labben, Burot, and Dalayap sa nasabing bayan.
Bukod pa dito, nagkaroon din ng BP Monitoring kasama na ang pagbabahagi ng lectures patungkol sa insurgency, VAWC at RA 9262 ang Allacapan Police Station.
Nagpaalala rin ang hepe ng Provincial Community and Affairs Development Unit na si PLtCol Osmundo Mamanao sa mga residente na sama-sama at tulong-tulong ang bawat isa lalo na sa mga ganitong sitwasyon.
Saad niya, na huwag tularan ang mga iba na kahit may bagyo ay nagawa pa ring kalabanin ang gobyerno tulad ng nangyaring engkwentro sa pagitan ng rebelde at militar sa Lasam, Cagayan kamakailan lamang.
Naging abala pa rin ang kapulisan ng Cagayan lalo na sa pagtulong sa paglikas sa mga kababayan na naabot ng baha, pagsagawa ng clearing operations sa daan at pakikiisa sa mga iba pang ahensya ng gobyerno upang makapaghatid ng tulong sa mga kababayan.
Source: CPPO
