Cagayan – Pinangunahan ni Police Colonel Julio Gorospe Jr, Provincial Director ng Cagayan, ang paglulunsad sa Oplan PASADA o “Pro-active Advocacy to Strengthen and Enhance Driver’s Knowledge about Traffic Laws” nito lamang ika-21 ng Hulyo 2023 na ginanap sa Brgy. Buntun, Tuguegarao City, Cagayan.
Ang aktibidad ay sa inisyatibo ng Cagayan Police Provincial Office katuwang ang kapulisan ng Tuguegarao City Police Station.
Ang nasabing aktibidad ay dinaluhan ng mga may-ari ng negosyo at mga miyembro ng TODA o “Tricycle Operators and Driver’s Association” na kung saan isang open forum ang isinagawa upang magbigay ng paglilinaw hinggil sa ilang katanungan at alalahanin ng mga kalahok.
Layunin ng programa na pangalagaan ang kaligtasan at kaayusan sa kalsada, nagsisilbing gabay sa pagmamaneho, pangangalaga sa kapaligiran at mababawasan ang aksidente sa pag-iingat ng motorista.
Source: Cagayan Provincial Police Office
