Nakaalertong muli ang buong puwersa ng Cagayano Cops sa ilalim ng pangangasiwa ni Police Colonel Mardito G Anguluan, Provincial Director ng Cagayan PPO nito lamang ika-5 ng Nobyembre, 2024.
Muling binisita ng mga kapulisan ang mga mabababang lugar at nakipag-ugnayan sa mga lokal na pamahalaan at Municipal/City Disaster Risk Reduction and Management Office upang mapaghandaan ang posibleng paglikas ng mga residente kung kinakailangan, at gawin ang mga nararapat na paghahanda upang masiguro ang kaligtasan ng lahat.
Ayon sa datos, may kapulisan na tayong naka-standby as Reactionary Standby Support Force; nasa 36 ang Provincial Headquarters, 14 sa ating Provincial Mobile Force Company, 30 naman ang Tuguegarao Component City Police Station, at 232 katao naman ang Municipal Police Stations.
Patuloy rin ang pagsasagawa ng Tambuli upang mabigyan ng safety tips ukol sa bagyo ang mga residente, gayundin ang pagbibigay ng mga leaflets ukol sa mga paghahanda sa bagyo at pananatiling ligtas sa panahong may unos.
Sa pahayag ni Provincial Director, prayoridad ng kapulisan na ang lahat ay ligtas, kaya’t hinihingi ng buong kapulisan ang kooperasyon ng lahat ng mga mamamayan, at makinig tayo sa awtoridad. Makipag-ugnayan sa kapulisan kung may mga ulat tayong kinakailangang matugunan agad para iwas disgrasya, dahil sa bagong Pilipinas, ang Gusto ng Pulis, Ligtas Ka!.
Source: Cagayan Police Provincial Office
Panulat ni Pat Jerilyn A Colico
