Cagayan – Matagumpay na pinasinayaan at binasbasan ang Cagayan Police Provincial Office (PPO) Command Center na makikita sa New Building ng Camp Tirso H Gador, Tuguegarao City, Cagayan noong ika-12 ng Mayo 2023.
Pinangunahan ni Police Major General Ronaldo Olay ang aktibidad na mainit na tinanggap ng mga Cagayano Cops sa pangunguna ni Police Colonel Julio Gorospe Jr, Provincial Director.
Mabilisang pagsagap ng impormasyon ang maitututulong ng naturang command center upang agarang maaksyonan ng mga kapulisan katuwang ang mamamayan ang mga insidente at krimen sa kanilang nasasakupan.
Ginamit ni PCol Gorospe ang makabagong teknolohiya upang mas lalong palakasin at masiguro ang kaligtasan ng pamayanan.
Maliban dito, dumalo rin sa programa sina Police Brigadier General Percival Rumbaoa, Regional Director ng Police Regional Office 2; Colonel Ferdinand Melchor Dela Cruz, Brigade Commander ng 501st Infantry Battalion, Philippine Army at iba pang matataas na opisyal bilang pagpapakita ng pagsuporta at pakikiisa sa nabanggit na aktibidad.
Nakikipagsabayan sa ibang ahensya ng pamahalaan ang Pambansang Pulisya ng Pilipinas sa paggamit ng makabagong teknolohiya upang mas lalong masiguro ang katahimikan at kapayapaan ng pamayanan.
Source: Cagayan PPO
Panulat ni Police Corporal Carla Mae P Canapi
