Cagayan – Sa pagtatapos ng “National Crime Prevention Week” isinagawa ng National Police Commission (NAPOLCOM) sa pangunguna ni Regional Director Manuel Pontanal na dinaluhan ni Police Colonel Rodelio Samson, Acting Chief Regional Staff, kumatawan kay Police Brigadier General Christopher C Birung, Regional Director ng PRO2 bilang panauhing pandangal sa Multi-Purpose Hall, Camp Tirso H Gador, Tuguegarao City, Cagayan nito lamang Setyembre 8, 2023.
Isinagawa ang pagpaparangal sa mga Best Implementers ng Community Service Oriented Policing (CSOP) sa naturang aktibidad.
Tinanggap mismo ni Police Colonel Julio Gorospe Jr, Provincial Director, ang sertipiko mula sa NAPOLCOM dahil sa paghirang sa Cagayan Police Provincial Office bilang Best Practices in CSOP sa kategorya ng lahat ng Police Provincial Office sa Rehiyon Dos.
Bukod dito, pinarangalan naman ang 2nd Cagayan Provincial Mobile Force Company sa kategorya ng PMFC.
Samantala, nakuha naman ng Peñablanca Municipal Police Station ang parehong titulo sa kategorya naman ng Municipal Police Station.
Kasama rin sa patimpalak ang Women and Children Protection Desk kung saan pumangalawa naman ang Baggao Police Station.
Ang programa ay naglalayong palakasin at paigtingin ang relasyon ng kapulisan at mga lokal na pamahalaan para sa mas maayos, mas matatag, at mas mabilis na serbisyong publiko para sa mga mamamayan.
Sa mensahe ng Regional Director ng NAPOLCOM RO2 ay binanggit nito ang pag-iwas sa krimen at pagpapanatili ng kapayapaan at kaayusan ay dapat pinagtutulungan. Hindi ito kaya ng kapulisan lamang at ang NAPOLCOM. Kailangan nito ng tulong mula sa komunidad mismo at maging sa mga lokal na pamahalaan.
Ang nabanggit na pagpaparangal ay dinaluhan nina Atty. Maricon M Gellado-Carreon, Chief, Technical Services Division, NAPOLCOM RO2; Ms. Ma Irese Isabel C Cabel, Police Inspector IV/PO – Cagayan; Joseph T Tamacay, Planning Officer; at Hon. Maila Rosario Ting-Que na kinatawan ni G. John Escobar.
Source: Cagayan PPO
