Pe̱ablanca, Cagayan РNakiisa ang Cagayan Police Provincial Office (PPO) sa isinagawang Memorandum of Agreement (MOA) Signing TUPAD Pangarap Extension Program na ginanap sa Barangay Aggugaddan, Pe̱ablanca, Cagayan noong Setyembre 9, 2022.
Magiging benepisyaryo ng programa ang mga Agtang residente ng naturang barangay.
Layunin ng programa na maghandog ng iba’t ibang tulong sa mga benepisyaryo katulad ng livelihood program at pagtuturo ng pagtatanim bilang panimulang pangkabuhayan na magbibigay pag-asa sa kanila.
Lumagda sa kasunduan sina Police Colonel Julio S Gorospe Jr., Officer-In-Charge ng Cagayan PPO kasama sina Police Major Richard Ramos, Operations Officer ng Regional Police Security Protection Unit 2,
Mrs. Jane R Sambrana, Ph.D., College Dean of Arts and Science, mga guro at ibang staff ng Cagagan State University (Carig Campus) at si Hon. Cleoffe Quizzagan, ang Punong Barangay, sa harap ng mga katutubong Agta.
Maliban dito ay nagbigay din si PCol Gorospe ng mga facemask sa mga bata at cash assistance sa kanilang mga magulang na dumalo.
Inihayag din ng bagong talagang OIC ng Cagayan PPO ang kaniyang buong suporta at pakikiisa sa ibang sektor lalong lalo na sa pagtulong sa mga kababayang nangangailanan.
Tunay na ang Pambansang Pulisya ay magpapatuloy sa pagsasagawa ng mga programa upang ipakita ang pagmamalasakit sa kapwa tungo sa kaayusan at kapayapaan ng bansa.
Source: Cagayan PPO
Panulat ni Police Corporal Carla Mae P Canapi
