Tuguegarao City, Cagayan – Nasungkit ng Cagayan Police Provincial Office ang Outstanding Police Provincial Office 2022 sa buong Police Regional Office 2 sa katatapos lamang na 27th PCR Month Celebration na naganap sa Camp Marcelo A Adduru, Tuguegarao City, Cagayan nitong Agosto 1, 2022.
Tinanggap ni Police Colonel Renell R Sabaldica, Provincial Director ng Cagayan Police Provincial Office ang parangal na iginawad ni Police Brigadier General Steve B Ludan, Regional Director ng Police Regional Office 2.
Ang nasabing parangal ay iginawad bilang pagkilala sa patuloy na pagpupursige at dedikasyon ng Cagayano Cops sa pagsasagawa ng mga programa at proyektong nakasentro sa pagtulong sa pag-unlad ng pamayanan at pagpapalakas ng ugnayan ng Pambansang Pulisya at ng komunidad.
Bukod sa nabanggit na parangal, iginawad din kay PCol Sabaldica ang Outstanding Police Community Affairs and Development PCO.
Samantala, pinasalamatan naman ni PCol Sabaldica ang buong hanay ng Cagayan PNP sa patuloy na pagbibigay ng serbisyong may malasakit at puso sa bawat Cagayano.
Dagdag pa ni PD Sabaldica, ipagpapatuloy nila ang kanilang mga nasimulang proyekto dahil aniya, “Sapagkat ang aming mithi ay ang inyong ngiti”.
Source: Police Regional Office 2
###
Panulat ni Police Staff Sergeant Mary Joy D Reyes
