Tuguegarao City – Nakiisa ang Cagayan Highway Patrol Team (CHPT) sa Brigada Eskwela sa Ugac Elementary School sa Tuguegarao City, Cagayan sa ganap na ika-siyam ng umaga noong Agosto 4, 2022.
Ang aktibidad ay pinangunahan ni Juan A. Lappay, Officer-In-Charge ng nasabing paaralan, na nilahukan ng mga tauhan ng Cagayan Highway Patrol Team sa pamumuno ni Police Captain Rico D Oñate, Provincial Officer kasama ang Full Spectrum Riders Association of the Philippines (FSRAP).
Namahagi ng tatlong galong pintura ang PNP na siya ring ginamit ng grupo sa pagpintura ng harapang bahagi ng paaralan.
Bahagi ito ng Brigada Eskwela 2022 na may temang: “Brigada Eskwela, Tugon sa Hamon ng Ligtas na Balik Eskwela” na isinasagawa ng Kagawaran ng Edukasyon bilang paghahanda sa nalalapit na pagbubukas ng mga paaralan sa regular face-to-face class sa buwan ng Setyembre para sa susunod na School Year 2022-2023.
Nagsagawa din ng maiksing pagtalakay si Police Captain Oñate sa mga guro na dumalo hinggil sa mandato ng kanilang tanggapan, frontline services nito at road safety tips.
Patuloy naman na hinihikayat ng HPG ang publiko na makiisa at makibahagi sa mga programang isinusulong ng pamahalaan kagaya ng pagpapanatili ng kalinisan ng kapaligiran at kaligtasan ng mga eskwelahan na magsisilbing pangalawang tahanan ng mga estudyante sa susunod na pasukan.
Source: RHPU 2
###
Panulat ni PEMS Alilyn D Wilcox
