Cotabato – Arestado ang isang CAFGU auxiliary at ang kasama nito sa isinagawang buy-bust operation ng PNP at PDEA sa Purok Maunlad, Silway 8, Polomolok, South Cotabato, nito lamang Enero 15, 2023.
Kinilala ni Police Major Paulino Asirit Jr, Chief ng Regional Police Drug Enforcement Unit – PRO 12, ang dalawang suspek na si alyas “Abraham”, 29, CAFGU Auxiliary at si Alias “Modzaher”, 40, pawang residente ng Maguindanao Province.
Ayon kay PMaj Asirit Jr., naaresto ang mga suspek sa isinagawang buy-bust operation ng mga tauhan ng RPDEU12 (lead unit), RSOG12, Regional Intelligence Division 12, Polomolok Municipal Police Station katuwang ang PDEA 12.
Dagdag pa ni PMaj Asirit Jr., nakuha mula sa mga suspek ang ilang pakete ng hinihinalang shabu na may bigat na humigit kumulang 10 gramo na may estimated National Standard Drug Price na Php60,800 at marked money na ginamit sa operasyon.
Ang pagkakadakip sa mga suspek ay malaking tulong upang makamit ng Police Regional Office 12 ang kanilang layunin para sa kaayusan at kapayapaan sa lungsod.
Panulat ni Patrolman Khnerwin Jay A Medelin
