Ipinagdiriwang ngayong buwan ng Nobyembre ang National Children’s Month kaya naman nagbigay tulong ang mga tauhan ng Misamis Oriental Police Provincial Office para sa mga kabataan na ginanap sa PHQ Covered Court, Villanueva, Misamis Oriental nito lamang ika-27 ng Nobyembre 2023.
Nanguna sa aktibidad si Police Colonel Cholijun Caduya, Provincial Director ng Misamis Oriental Police Provincial Office, katuwang ang Advocacy Support Groups, at mga stakeholders.
Tampok ng programa ang pamimigay ng tsinelas, cotton candy, at libreng packed lunch.
Naging masaya naman ang mga batang dumalo sa puppet show na inihanda sa naturang aktibidad.
Patuloy ang Misamis Oriental PNP sa pagtulong sa mga kabataan na nakaangkla sa programa ng Serbisyong Cardo, Serbisyong may Puso ng Regional Director na si Police Brigadier General Ricardo Layug Jr.
Panulat ni Patrolman Edwin Baris
