Biyaya kung maituturing ng mahigit kumulang 150 indibidwal sa isinagawang community outreach Program ng Bukidnon PNP sa Barangay Mandaing, Cabanglasan, Bukidnon nito lamang Enero 31, 2024.
Pinangunahan ang programa ni Police Colonel Jovit Culaway, Provincial Director, Bukidnon Police Provincial Office kasama si Hon. Lolita Bullecer, Municipality Mayor ng Cabanglasan.
Bago magsimula ang programa ay nagkaroon muna ng lectures tungkol sa RA 9165 o Comprehensive Dangerous Drugs Act of 2002, Violence Against Women and Their Children Act of 2004 at CTG’s Atrocities.
Sa naturang community outreach program ay namigay ng food packs, packed lunch, tsinelas, gamot at libreng medical check-up.
Nagkaroon din ng libreng gupit at mobile library.
Naging masaya at matagumpay ang aktibidad sa tulong ng Advocacy Support Groups, force multipliers, stakeholders, LGU, Philippine Army, at Municipal Health Office ng naturang lugar.
Layunin ng Police Regional Office 10 na makapagpaabot ng tulong sa pamamagitan ng pagsusulong ng iba’t ibang programa upang maiparamdam ang nararapat na pagkalinga at pagmamahal sa mamamayang nasasakupan.
Panulat ni Patrolman Edwin Baris
