Luna, Apayao – Muling nagsagawa ng Brigada Pagbasa Project ang Apayao Police Provincial Office sa Apayao Science High School, Brgy. San Isidro Sur, Luna, Apayao nito lamang ika-11 ng Nobyembre 2022.
Ayon kay Police Colonel Jefferson Cariaga, Provincial Director ng Apayao Police Provincial Office, ang nasabing paaralan ang napili upang matulungan ang mga bata na masagutan ang kanilang mga takdang aralin na may kaugnayan sa pagpapaunlad ng kanilang reading comprehension, matematika at iba pang kasanayan sa pagbabasa.
Nasa 55 na mag-aaral ang masayang nakilahok sa kanilang aktibidad.
Labis naman ang pasasalamat ng mga mag-aaral at guro ng nasabing paaralan sa serbisyong handog ng Apayao PNP.
Samantala, natapos ang aktibidad sa pamamagitan ng mga palaro at pakikipagkwentuhan na kung saan ay pinaalalahanan ng ating mga kuya at ateng pulis ang mga kabataan na magpatuloy sa pag-aaral upang maabot ang kanilang mga pangarap.
Source: Police Regional Office- Cordillera
