Apayao – Nagsagawa ng Brigada Pagbasa ang mga tauhan ng Apayao PNP sa Bac-da National High School, Brgy. Bacsay, Luna, Apayao nito lamang ika-5 ng Oktubre 2022.
Pinangunahan ni Police Lieutenant Grace Bonnit, Women and Children Protection Desk Officer sa ilalim ng pamumuno ni Police Colonel Jefferson Cariaga, Officer-In-Charge ng Apayao Police Provincial Office katuwang ang mga guro sa nasabing paaralan.
Nagturo at tumulong ang naturang grupo sa pagbibigay-aral sa pamamagitan ng pagbabasa at pagsusulat sa mga mag-aaral ng Grade 7.
Patunay lamang na ang Pambansang Pulisya ay handang tumulong at magserbisyo para sa ikagaganda ng kinabukasan ng mga kabataan.
Source: Apayao PPO
