Bogo City, Cebu – Aktibong nakilahok ang Bogo City PNP sa paglulunsad ng Brigada Eskwela Kick-off Ceremony sa Brgy. Gairan, Bogo City, Cebu nito lamang ika-9 ng Agosto 2022.
Ang aktibidad ay dinaluhan ng mga miyembro ng Bogo City Police Station sa direktang pangangasiwa ni Police Lieutenant Colonel Florendo L Fajardo, katuwang ang iba’t ibang ahensya ng pamahalaan, mga pribadong indibidwal, guro at maging ang mga mag-aaral at kanilang magulang.
Ang Brigada Eskwela ay may temang “Brigada Eskwela: Tugon sa Hamon ng Ligtas na Balik-Aral” na naglalayong mabigyan ng maayos at malinis na paaralan ang mga bata upang sa ganon ay mas ganahan silang mag-aral lalo’t nalalapit na ang kanilang face-to- face classes.
Layunin ng Cebu Police Provincial Office na patuloy na makapagbigay ng kaginhawaan sa kanilang kababayan at ipadama ang presensya at malasakit ng Pambansang Pulisya.
###
Panulat ni Patrolwoman Kyla Hannah R Evangelista
