Mogpog, Marinduque- Nagsagawa ng Brigada Eskwela ang mga tauhan ng 1st Platoon, Marinduque Provincial Mobile Force Platoon sa Silangan Elementary School, Barangay Silangan, Mogpog, Marinduque noong ika-7 ng Nobyembre 2022.
Ang aktibidad ay pinangunahan ng 1st Platoon, Marinduque PMFP sa pangunguna ni Police Lieutenant Justin Annogue Jr, Platoon Leader ng Marinduque PMFP, mga tauhan ng Barangay Peacekeeping Action Team, guro at ng mga Barangay Officials ng Brgy. Silangan.
Naglinis at nagpintura ang mga grupo sa nasabing eskwelahan at lubos na nagpasalamat ang mga guro at mga estudyante ng Silangan Elementary School sa tulong na natanggap.
Layunin nitong palakasin ang ugnayan ng pulisya at mga mamamayan tungo sa kaligtasan, kaayusan at kapayapaan sa komunidad.
Source: Marinduque PMFP
Panulat ni Patrolman Erwin Calaus
