Cagayan de Oro City – Muling umarangkada ang Brigada Eskwela kung saan nakiisa ang mga miyembro ng Cagayan de Oro City Police Office na ginanap sa Upper Carmen Elementary, Cagayan de Oro City nitong umaga lamang ng Agosto 15, 2023.
Pinangunahan ito ng mga tauhan ng Cagayan de Oro City Police Office sa pamumuno ni Police Colonel Salvador Radam, Officer-In-Charge, katuwang ang Advocacy Support Groups at Force Multipliers ng naturang siyudad.
Sabay-sabay nagbunot ng damo at nagwalis ang mga naturang grupo sa paaralan na bahagi ng paghahanda sa ligtas at malinis na eskwela ngayong Agosto.
Patuloy ang Cagayan de Oro City PNP sa pagsasagawa ng ganitong uri ng aktibidad upang masiguro ang kaligtasan ng bawat mag-aaral sa kanilang nasasakupan.
Panulat ni Patrolman Edwin Baris/RPCADU10
