Cabucgayan, Biliran – Isinagawang muli ng mga Non-Uniformed Personnel ng Biliran Police Provincial Office ang kanilang 5th year of Christmas Gift Giving na binansagang “BPPO-NUP Handog Pamasko 2022” na ginanap sa Brgy. Looc, Cabucgayan, Biliran nito lamang ika-2 ng Disyembre 2022.
Ang aktibidad ay pinangunahan ni NUP Anna Lee O Rotilles, Statistician I / NUP Supervisor, sa ilalim ng direktang pangangasiwa ni Police Colonel Felix G Gervacio Jr, Provincial Director.
Matagumpay na namahagi ang grupo ng packed meals, food packs at regalong kagamitang bahay para sa mga dumalo sa naturang aktibidad.
Taos pusong nagpasalamat ang mga residente ng Brgy. Looc sa hindi matutumbasan na saya, ngiti at serbisyo na naihatid ng mga NUP ng BPPO.
Hangad ng mga naturang grupo na maipadama sa mga mamamayan na sila ay kaagapay ng PNP sa pagsusulong ng kaayusan, kapayapaan at kaunlaran para sa iisang layunin at mithiing makamit ang kasaganahan lalong-lalo na ng ating mga kababayan na kapos sa buhay.
